Top 10 Most Dangerous Beaches in the World | உலகின் மிகவும் அபாயகரமான 10 கடற்கரைகள் Zio Tamil

Top 10 Most Dangerous Beaches in the World | உலகின் மிகவும் அபாயகரமான 10 கடற்கரைகள் Zio Tamil June 12, 2018 at 01:20PM கடற்கரையை விரும்பாவத்தார்கள் யாரும் இருக்க மாட்டார்கள். ஆனால் எல்லா கடற்கரைகளும் நாம் விரும்பும் வண்ணம் ஆபத்தில்லாமல் இருக்காது. உலகில் பல கடற்கரைகள் பல ஆபத்துக்கள் நிறைந்ததாக இருக்கிறது. அப்படி ஆபத்துக்கள் நிறைந்த 10 கடற்கரைகளை பற்றி தெரிந்து கொள்வோம். 10. ஹனகாபியை பீச் மிகவும் மோசமான கடற்கரை இது. அலைதான் இந்த இடத்தின் மிகப்பெரிய பிரச்னை இங்கே கடலில் எழும் அலைகள் கரையை தொடும்போது சக்தி வாய்ந்த ஒரு நீர்ச் சுழல்களாக உருவெடுக்கின்றன. இதில் நாம் சிக்கினால் அவ்வளவுதான் கரையில் இருப்பது போலத்தான் இருக்கும் அடுத்த நொடியில் கடலுக்குள்ளே இழுத்துச்சென்று விடும். 9. கான்ஸ்பாய் கடற்கரை, தென் அமெரிக்கா இந்தக் கடற்கரை உலகின் மிகப்பெரிய வெள்ளை சுறாக்களின் தலைநகரமாக விளங்குகிறது. தென் அமெரிக்காவில் உள்ள கான்ஸ்பாய் மற்றும் டையஸ் தீவின் தண்ணீர் இணையும் இடத்தில் சுமார் 60 ஆயிரத்திற்கும் மேற்பட்ட சுறாக்கள் காணப்படுகின்றன. அங்கு வாழும் சுறாமீன்கள் கேஜ் கம்பிகளை உடைத்து மனிதர்களைத் தாக்கும் தன்மை கொண்டது.ஆபத்துக்களைப் பொருட்படுத்தாமல் இன்னும் அங்கு கேஜ் டைவிங் தொடர்ந்து கொண்டுதான் இருக்கின்றது. 8. டார்வின் கடற்கரை வடக்கு ஆஸ்திரேலியாவில் உள்ள இந்த கடற்கரையில் ஆபத்துக்கு பஞ்சமில்லை. இங்குள்ள ஆபத்து நிறைந்த ஜெல்லி மீன்கள் எப்பொழுது தாக்கும் என தெரியாது. அக்டோபர் மற்றும் மே மாதங்களில் இவைகளின் ஆதிக்கம் அதிகமிருக்கும் கூடவே ஆளைக்கொல்லும் சுறா மீன்கள் சுற்றி கொண்டிருக்கும். உப்பு நீர் முதலைகள் எல்லா காலங்களிலும் இங்கு காணப்படும். அதுமட்டுமல்லாமல் இங்குள்ள கடல் நீரில் அளவுக்கு அதிகமான பாக்டீரியாக்கள் உள்ளன 7. கிலாயா பீச் , ஹவாய் ஹவாயில் இருக்கும் இந்த கடற்கரை மிகவும் அழகானது அதோடு ஆபத்தும் நிறைந்தது. இந்த கடற்கரையின் அருகில் எரிமலை ஒன்று உள்ளது. இது சில நேரங்களில் வேகமாக பொங்கி ஆபத்தை ஏற்படுத்தும். ஆபத்தை கண்டு பயமில்லாமல் சூடான நீரை அனுபவிக்க வேண்டுமானால் நீங்கள் இங்கு செல்லலாம் 6. மோர்க்காம்பே கடற்கரை இங்கிலாந்தில் உள்ள லான்சஷைர் என்ற இடத்திலிருக்கும் மோர்க்காம்பே கடற்கரை பார்ப்பதற்கு அழகான மிகவும் மோசமான இடம். இங்கே புதைகுழிகள் ஏராளம். ஆற்று நீர் கலக்கும் இடங்களிலும் ஆபத்துகள் அதிகம். கவனமாக இல்லையென்றால் புதைகுழிக்குள் மூழ்க வேண்டியதுதான். 5. வடக்கு சென்டினல் தீவு இந்த தீவு இந்தியாவின் அந்தமான் தீவுகளில் அமைந்துள்ளது. 60000 ஆண்டுகள் பழமையான உலகின் உண்மையான அழகு என போற்றப்படும் இந்த இடத்தில் பழங்குடி மக்கள் வாழ்ந்து வருகிறார்கள். இவர்கள் வெளியுலகிடம் எந்த சந்தர்ப்பத்திலும் இணையக் கூடாது என்ற கருத்துடையவர்கள். தாங்களாக அழைக்காமல் யார் வந்தாலும், கொலை செய்யவும் தயங்க மாட்டார்கள். எனவே இந்த இடத்திற்கு மக்கள் செல்ல தடை விதிக்கப்பட்டுள்ளது. 4. நியூ ஸ்மிர்னா கடற்கரை அமெரிக்காவின் பிளோரிடாவில் உள்ள இந்த கடற்கரையானது உலகின் மிகப்பெரிய வெள்ளை சுறாக்களை கொண்டுள்ளது. 2007 ம் ஆண்டில் உலகம் முழுவதும் நடைபெற்ற 112 சுறா தாக்குதல்களில் 17 தாக்குதல் இங்கு நடந்துள்ளது. சுறாக்கள் மனிதர்களை அதிகம் தாக்கும் கடற்கரைகளில் இது முதலிடத்தில் உள்ளது. ஒருவேளை நீங்கள் இங்கு கவனமாக இல்லாமலிருந்தால் சுறாக்கள் உங்களை உணவாக்கலாம் 3. ஹியர் தீவு அண்டார்டிக்காவில் அமைந்துள்ள ஹியர் தீவு எப்பொழுதும் பனி மூடிய அழகான கொஞ்சம் ஆபத்தான கடற்கரையாகும். ஏனெனில் இங்கு எப்பொழுது வேண்டுமானாலும் வெடித்து குமுறலாம் என்ற நிலையில் இரண்டு எரிமலைகள் இங்கு உள்ளது. அதனால் இது மக்கள் செல்வதற்கு தடை செய்யப்பட்ட பகுதியாக உள்ளது. 2. அமேசான் கடற்கரைகள், தென் அமெரிக்கா அமேசான் காடு, அமேசான் ஆறு போல அமேசான் கடற்கரைகளும் உண்டு. இங்கே அனகோண்டா பாம்புகள் அதிகம். கூடவே ஈல் வேம்பயர் மீன் என பல ஆபத்தான உயிரினங்கள் நம்மை நீச்சலடிக்க விடாமல் செய்யும். 1. சௌபட்டி பீச் இந்தியாவில் மும்பையின் தெற்குப் பகுதியில் அமைந்திருக்கிறது இந்த கடற்கரை மற்ற ஊர்களில் ஏதேதோ காரணம் இருக்க இந்தக் கடற்கரை ஆபத்தானதாகக் கருதப்படுவதற்கு காரணம் சற்று வித்தியாசமானது. அதிகமாக மாசடைந்து இருப்பதுதான் அதற்குக் காரணமாக இருக்கிறது. உலகில் மிக மோசமாக மாசடைந்த கடற்கரைகளில் ஒன்றாக இது கருதப்படுகிறது. மும்பை நகரின் ஏறத்தாழ எல்லா குப்பைகளும் இங்கே வந்து சேர்வதுதான் மாசுபாட்டுக்கு முக்கிய காரணம். அவ்வப்போது சுத்தம் செய்யப்பட்டாலும் மீண்டும் குப்பை வந்து சேர்ந்து விடுகிறது. இங்கே கடலில் இறங்கி நீங்கள் குளித்தால் உடனடியாக மருத்துவமனை செல்ல வேண்டியதுதான்